Minister Xiomara Maduro: No por bisa ainda di ken a fia placa

2791

Minister Xiomara Maduro diamars anochi a pone un publicacion riba su red social. E dianan aki gobierno ta wordo cuestiona pa cu e fiansa local cu nan a logra. Hopi speculacion eyfo. Ainda gobierno no a bisa di unda e placa ta bin. Kisas nan tin un motibo valido. Esaki ta loke minister Xiomara Maduro a pone pa asina aclarea tur e speculacionnan. Den e situacion di crisis aki nos mester tin hopi pasenshi cu otro. Pa locual ta e fiansa (bono di Gobierno) cu ta wordo haci, e siman aki Banco Central lo publica tur informacion relevante y necesario. Manera tur fiansa, tin un proceso cu ta wordo encamina pa haci esaki posibel, cu mester wordo respeta. Ta p’esey no por djis duna tur informacion cu ta wordo pidi. E no tin nada di haber cu falta di transparencia. E tin di haber cu e hecho cu tin un proceso tumando lugar pa cual mester brinda espacio. Y manera menciona, detayes relevante di tur fiansa haci pa Gobierno ta bira publico via informacion cu ta wordo publica den presupuesto di Pais Aruba.