Secretario di Estado Raymond Knops a emiti un comunicado di prensa riba e financiamento den dos tranche cu e Aruba kier emiti di 60 miyon di florin y 60 miyon di dollar respectivamente.
A base di esaki, minister di asuntonan economico y di finansas, Xiomara Maduro, a reacciona bisando cu no ta trata di 400 miyon di florin manera cu a indica incorectamente den e comunicado, sino di 60 miyon di florin y 60 miyon di dollar.
Por lo tanto, e calculo di interes uza pa e Secretario di Estado no ta corecto. Es decir, no tin 21 miyon adicional den costo di interes anual ni 1400 florin den costonan adicional pa cada ciudadano. Tambe ta argumenta cu lo ta necesario un aflossing of un hipoteca, pero pa un pais e unico forma di reduci e debe ta pa tin mas ingreso cu gasto. Esaki ta overschot. Aflossingen provisional ta zona bon, pero no ta sirbi di nada mientras cu no tin excedente. Realmente solamente por haci un aflossing cu excedente den su saco.
Ademas, ta argumenta cu e prestamonan aki e ratio di endeudamento ta subi te cu 127 porciento y ta bisa como un chansa cu e gabinete lo ta den un competencia pa un luga den e top 10 di e paisnan cu mas debe. Mester bisa aki cu e ratio di debe tambe lo caba exactamente den e mesun ratio di debe cu e prestamonan Hulandes. Por lo tanto, realmente no ta importa pa e indice di debe y e posicion di debe di unda e prestamo ta bin.
E unico forma cu e ratio di debe no aumenta ta si Hulanda cambia pa donacion, cu e diferencia di Italia y Spaña, no ta negociabel te cu awe. E declaracion aki ta mustra cu e Ministerio di Interior y Relacionnan di Reino tin algun dificultad pa distingui entre e terminonan di “debe” y “prestamo”. Un prestamo ta un debe, pero no tur debe ta prestamo. Esaki ta nifica cu hasta sin aumenta e prestamonan, e debe y e ratio di debe lo aumenta e aña aki.
Esaki ta debi cu e aña aki, manera cu sa, e gasto den e presupuesto ta considerablemente mayor cu e ingresonan. Esaki ta debi cu e gabinete ta tratando di mantene e economia den marcha.
Por ultimo, Aruba ta wordo acusa di no ta papia cu e Hulanda, pero cu ta papia publicamente riba Hulanda. Esey ta bastante ironico pasobra precisamente cu e comunicado di prensa aki pa di tres biaha (e prome biaha di e representante di Hulanda na Willemstad atrabes di un discurso publico, e di dos biaha e Secretario di Estado den un conferencia di prensa y e di tres biaha atrabes di e comunicado aki di prensa) di Hulanda publicamente riba Aruba ta papia sin a papia previamente cu Gobierno.
Den cualkier caso, Aruba ta dispuesto pa entabla abiertamente un dialogo cu e Ministerio di Interior y Relacionnan di Reino pa yega na un consenso berdadero.
