Minister Ursell Arends: Pa deshaci di taira comerciante lo paga 180 florin pa tonelada

Despues di a reuni siman pasa y e siman aki cu stakeholders pa loke ta e maneho di taira como desperdicio, Minister di Medio Ambiente, Ursell Arends a combersa cu 24ora.com pa comparti cua ta e acuerdonan cu a yega na dje y kico ta e siguiente pasonan.

E mandatario ta sinti cu e encuentronan a transcuri den un esfera caminda a acorda cu prijs pa benta taira afo lo ta di 180 florin mas impuesto y dos compania local lo ta encarga cu tuma e tairanan aki y procesa nan pa crea materia prima di nan cu por uza di nobo pa otro producto.

Siman pasa Minister Arends a reuni cu rebendedor di taira, mientras cu diaranson anochi a sinta cu compania di transporte di sushi, esta esunnan cu a huur baki na negoshi. Na prome instante kisas no ta full e proceso ta perfecto, e mandatario a admiti. “Pero esaki ta e maneho cu nos ta implementa aworaki wardando di e ley cu mester bin y den cual ta atende cu e standard y norma mester opera. Esaki ta e manera responsabel pa atende cu desperdicio,” e mandatario a declara.

Diaranson otro siman Minister di Medio Ambiente ta reuni un biaha mas cu rebendedor di taira. E ora ey por crea e draagvlak cu tur stakeholder y e ta sinti caba cu tin esey mirando e reaccion cu tabatin den e reunion anterior. Arends: “Bo ta sinti cu tur hende ta riba mesun pagina. Fuera di esey, fin di augustus lo duna un presentacion na comunidad den bario pa informa kico ta bay ta e maneho nobo di desperdicio.”

Pa e relato completo, lesa TREMPAN