Minister Tjon ta sigura: Ta investigando morto di Luisangel Figueroa

Minister Tjon ta sigura: Ta investigando morto di Luisangel Figueroa Recientemente a tuma luga un caso lamentabel den cual e disc jockey Luisangel Figueroa, naci na Venezuela, a fayece di un forma misterioso na Paseo Herencia Mall.

Minister di Husticia y Asuntonan Social, Rocco Tjon ta al tanto di e situacion y a tuma e pasonan necesario den e caso aki. Minister Rocco Tjon a duna di conoce cu investigacion ta andando, sinembargo, na e momento aki no por divulga ningun informacion, pa no stroba e proceso hudicial.

Locual cu si por bisa ta, cu Ministerio di Husticia y Asuntonan Social ta den contacto cu famia di e fayecido, cu ta den exterior y lo facilita e proceso pa por trece e famia Aruba, pa asina nan por ta t’aki pa por despedi di nan ser keri.

Na mes momento, Minister Rocco Tjon ta pidi cooperacion di comunidad pa no stroba e proceso hudicial y tambe ta pidi cooperacion di cualkier persona cu por tin informacion valioso y cu por yuda resolve e caso pa por fabor tuma contacto cu e “Tip Line” di polis na 11141 y lo percura pa esaki keda completamente anonimo.