| Minister Dowers a splica cu a caba di adkiri mas polis den opleiding y e momento aki a kibra record. E record awor aki di e minister cu a pone mas polis den Cuerpo Policial den historia di e pais aki. Esey sigur ta un logro grandi. E importancia ta cu tin cu mustra e respet y e reconocimento na e departamento, no door di bis’e, pero door di haci e trabao. Door di cana cu nan, door di sinti cu nan, door di biba cu nan kico e trabao ta encera. A bin den un situacion caminda cu e minister di husticia tabata insulta polis, un prome minister cu tabata lastra polis y tabata kita cos for di polis y entrega hendenan yega na nan. Hopi polis ta lubida con tempo cu nan tabata traha bao di partido MEP, no tabata tin celular pa traha cun’e. Nan ta bisa pa paga luz 4’or, no tabata tin overtime, no tabata tin nada, no tabata papel di WC ni koffie. E tempo ey a pasa pa pasado, despues cu MEP a bay for di Gobernacion. A inverti dos biaha mas cu partido MEP a pone den husticia. A redobla e begroting eynan. E trahadonan mester di un bon trato y mas hopi cos ta cu e pueblo merece proteccion cual ta wordo brinda na e momentonan aki.
Hopi hende awor aki cu kier kere of algun hende cu por ta ta tende e historianan di e paritdo MEP, sa cu partido MEP ta uza criminalidad pa score politicamente. Den pasado a mustra e forma cu mester traha integral y tambe a mustra riba e hecho cu mester fortifica e departamento. Tur esey a tuma luga. E cos di mas importante ta, e resultadonan ta bisto awor aki. E reconocimento tey y ta sigur cu e pueblo, pero tambe esnan den Cuerpo Policial y otro cuerponan di husticia, ta conciente di e trabao cu a wordo haci, segun e mandatario. Attachments area
95% full Using 28.7 GB of your 30 GB Powered by Last account activity: 0 minutes ago Open in 1 other location Details |
