Minister Ruiz: Pueblo tin confiansa cu cos lo drecha den 6 luna!

“Mañan Banco Central lo publica su encuesta riba e Confiansa di e Consumidor. Segun Banco su encuesta pa e promer kwartaal di 2019, e consumidor su confiansa ta menos”, asina Minister Xiomara Ruiz-Maduro, encarga cu maneho di Finansa, Asuntonan Economico y Cultura a publica di ayera nochi caba riba su pagina di Facebook. E tabata sa cu awe e relato lo sali indicando un deterioro den e confiansa di consumidornan.

“Pero si mira e grafico bon y lesa e tabel, por mira cu e sentimento aki no tabata mucho diferente desde aña 2015. Positivo ta e expectativa cu e situacion financiero personal lo mehora den 6 luna y cu apesar di tur cos lo bay tuma vakantie”, asina e Minister a finalisa bisando.

Comments

comments