Minister Ruiz Maduro: Evaluando cobra BBO ora cu producto drenta Aruba

Esaki ta loke e mandatario encarga cu Finanza, Xiomara Ruiz Maduro, ta bisa den un carta na Comerciantenan Uni Aruba. Den e carta e ta splica kico ta BBO, pakico Gobierno a scoge pa kit’e for di e factura cu ta duna clientenan y kico tin pensa pa haci cun’e den futuro.

E carta aki a bay pa comerciantenan dia 31 di juli ultimo y e mandatario ta bisa e comerciantenan cu “Belasting op Bedrijfsomzetten” (BBO) no ta un belasting pa consumidor pero pa e comerciante, p’esey di e nomber tambe.  Pues comerciante ta esun obliga pa paga e belasting aki di loke e ta haya na entrada na benta. “E comerciante ta esun cu mester paga e belasting aki y for di punto di bista fiscal y huridico, e no tin e obligacion pa hinca e BBO den e prijs,” e mandatario ta splica. Y a agrega cu e ta un gasto di e comerciante.

Loading...

Taking too long?

Reload document

| Open in new tab

Download [248.08 KB]

Door di prohibi pa pone esaki riba factor, Gobierno, e mandatario ta bisa, kier crea mas transparencia. Hasta e ta duna un ehempel cu esaki ta mescos na Hulanda cu e sistema BTW of e OB na Corsou, of e IVA na paisnan Latino. E pensamento ta pa ora e consumidor cumpra un producto, e prijs cu tin poni, esey e ta paga na caha tambe. Banda di e transparencia, e mandatario ta papia di un miho competencia cu ta permiti e consumidor scoge unda tin miho prijs. “E sistemanan di cobransa ta diferencia pero den tur caso e ta encera tur cos mester ta hinca den e prijs caba.”

BBO, banda cu e tin un belasting cu ta e comerciante mester paga, ta encera tambe cu e ta deducibel di loke mester paga na impuesto na Gobierno na final di dia.  P’esey e consumidor no tin nada di haber cu e pago di BBO. Pero tambe e ta bisa cu BTW si no ta un “aftrekpost”.

Por compronde di e forma con e mandatario a skirbi e carta, ta cu tabatin demasiado variacion den cobransa di BBO cu aunke e ta 6%, tin caminda cu tabata cobra 6.38%. Kitando esaki for di e factura no tin e duda cerca consumidor mas.

E hecho cu comerciantenan ta pidi mas tempo pa haci e adaptacion, Minister Ruiz Maduro ta bisa cu nan a duna espacio caba te cu october. Y ta duna ehempel di un supermercado grandi na Hulanda, cu ora Gobierno a haci e cambio of adaptacion di e prijsnan den 10 dia.

Por ultimo e ta bisa pa crea un sistema igual pa tur hende, Gobierno ta evaluando pa cobra BBO na entrada na Aruba di e producto. Esaki ta forma di crea un sistema igual pa tur comerciante.