Minister Ruiz-Maduro: A interumpi Ministerraad pa duna espacio di reuni cu Sindicato di Aduana

17

Minister Xiomara Ruiz-Maduro, hunto cu Minister Andin Bikker, a sali bin pafo di Bestuurskantoor, pa asina topa cu e trahadonan di Aduana.

E mandatario a indica cu a interumpi Ministerraad pa asina reuni un rato cu e sindicato y su miembronan. Nan dos ta Ministernan encarga cu e asunto di Aduana. E ta tuma hopi tempo. A papia cu SADA tambe riba esaki den full e parti di e proceso. 

 

Minister Ruiz-Maduro: A interumpi Ministerraad pa duna espacio di reuni cu Sindicato di Aduana

Posted by 24ora on Friday, August 23, 2019

 

Segun e Minister, ora cu  ayega, e convenio a caba di wordo firma, pero no tabata tin nada haci na su ehecusion. Pesey e ora eynan a tuma tempo pa asina por a traha tur locual mester a pasa riba e tereno huridico. Sa tambe di e situacion financiero cu pais Aruba ta den dje. Ta pone e oa eynan cu a haci cierto preguntanan extra.

Ministerraad a pidi cierto consehonan pa por a bin. E Minister a informa SADA riba esaki tambe y a bisa nan cu den trascurso di diahuebs mester a haya un conseho mas, cual a yega. Ta algo cu a traha diligentemente desde e prome dia. A bisa tambe cu nan ta respeta e convenio, pasobra gobernacion ta un continuacion. No mas cu tin cu haci e trabao na un manera responsabel. Den e proceso eynan, bo tin cu haya e consehonan cu bo tin cu haya pa asina e ora tuma un decision responsabel y tambe pa e trahadonan di Aduana por haya algo cu no ta algo cu despues lo kit’e of cambi’e.

Pesey e parti di e proceso di tuma decision ta largo. A para e Ministerraad pa asina dialoga cu SADA loke ta e consehonan cu a haya ultimo, esta esunnan cu a drenta diahuebs, pa indica riba e convenio e ora ki tempo por haya spera e ora cu su ehecucion tuma luga.

E minister a pidi pa un delegacion bay ariba hunto cu ambos minister.