Diabierna mainta Juan Rasmijn, docente na EPB Oranjestad como tambe docente na OAA scol anochi ta informa cu nan ta den un preocupacion alarmante cu accion di Minister di Enseñansa relaciona cu informacion cu lo reanuda scol entrante dialuna venidero.

A tuma nota cu den medio di comunicacion como tambe via studiantenan e informacion cu dialuna dia 14 di october ta cuminsa bek cu scol OAA a cuminsa circula. Supuestamente lo tabata programa pa cuminsa for di dia 2 di september. Esaki ta un tardansa di basta dia. Pa nan sorpresa e mas di 50 docentenan di OAA no a keda yama y informa di e intencion aki.

Docentenan ta sigui demostra nan mal contento. Awe nan ta na palabra riba 24ora.com#PromeDenNoticia

Posted by 24ora on Friday, October 11, 2019

Ningun docente di OAA a ricibi yamada pa forma parti ni pa duna les dialuna awo. Incertitumbre y pregunta preocupante ta bin dilanti ta KEN lo ta esnan cu lo bay duna les dialuna awo. E profesionalnan encarga cu estudio di e alumnonan aki a keda poni un banda mientras e Minister awo ta bay busca hende di sector priva cu no tin papel di docente pa duna les. Un preocupacion enorme creciendo pa cu e situacion mirando cu no sa ta ken lo bay duna les.

Intencion ta pa hinca OAA den un fundacion/ stichting hunto cu Enseñansa pa Empleo caminda ta bay duna les na Enseñansa pa Empleo y ta keda EPB Oranjestad. Un instituto cu ta bay cumpli 65 aña, y ta un instituto cu mester ta para riba su mes, cu a demostra di por ehecuta e trabou cu excelencia pa 65 aña largo educando hende grandi como hoben, preparandonan pa drenta nos mercado laboral.

Diripiente ta bin cu intencion di hinca OAA den un fundacion, uno cu no a lanta/ no ta existi ainda oficialmente pero cu kier pone bou funcionamento cuminsando for di dialuna awo. Docentenan ta sinti cu nan mester a informanan di kico tabata di bay pasa, pero pa nan sorpresa ningun hende a keda informa di nada y ta keda na Minister awo pa duna contesta na e pregunta haci riba dicon e tin cu bay asina.

Lamentabel di bisa cu for di dia 2 di september, fecha cu scol mester a cuminsa e studiantenan a keda perhudica. Ta papiando aproximadamente di 250 pa 300 studiante cu a keda afecta/ perhudica y cu a paga pa bin haya les y cu te na e fecha di awe no a ricibi les. Igual cu e docentenan e fecha en cuestion, nan tur a presenta na scol y haya sorpresa cu scol no por a cuminsa.

Juan Rasmijn ta mira cu despues di a reuni cu Minister Rudy Lampe na mas di 3 ocacion, cu a papia riba e cambio cu e kier introduci riba losse-uren sin pago mas riba over-uren cu ta algo cu pa mas cu 30 aña caba su persona trahando na OAA a gana, trahando den e funcion. Un siman prome cu fecha stipula anteriormente pa habri scol den september kier a introduci e cambio abrupto ey a trece cune hopi disgusto y tabata algo cu nan no por a acepeta. Tambe si lo por a informanan un aña escolar prome nan lo por a tene cuenta cune, no un siman prome cu scol.

Den e reunionnan a pidi e Minister pa duna un fase transitorio di un pa dos aña pa asina prepara riba e cambio cu su persona kier introduci. Conseciencianan di e decision tuma awo akinan door di e Minister ta significa cu e docentenan aki lo bay drasticamente atras den salario. Mayoria di e docentenan aki ta eherce durante dia y anochi ta haci e sacrificio extra di bin pa asina sirbi y yuda enseñansa.

Den su opinion e Minister actual ta mira e trabou aki como un side job. Juan Rasmijn ta remarca cu nan ta docente. Docente den dia, docente anochi. Como ehempel e ta duna e labor di un dokter, si e ta traha den dia y tin cu atende emergencia den anochi, esaki ta un side job pa e dokter den anochi ? Absolutamente cu no, ta su trabou e ta eherce y paga pe!

Den su bista Minister Rudy Lampe tin un problema cu e docentenan ta gana placa extra pa nan trabou cu nan ta eherce di cual no por sigui.

Comments

comments