Minister di Enseñansa, Rudy Lampe, ta sumamente gradicido na sr. de Hertog y su Stichting pa e bon obra aki cu ta sumamente necesario.
Ta pas den e maneho unda cu kier duna prioridad, no solamente na enseñansa, sino tambe na e educacion deportivo dentro di e sistema di enseñansa. E ta relata cu hopi otro aspecto. Deporte ta sumamente importante pa e desaroyo di un mucha y una bes cu bo siña esey di hopi tempran caba, bo ta bay keda cu e smaak di movecion pa resto di bo bida y tur sa cu awor aki rond mundo ta enfatisa cu movecion ta prevencion di malesanan cronico. E ta pa bo desaroyo di salud di un mucha despues tambe pa su bida como adulto. E ta sumamente importante pa por tin e ekiponan necesario pa haya un bon les di educacion fisico.
Minister Lampe a sigui splica cu por a tuma nota tambe di e cabesante di Colegio Ora Ubao cu ta hopi dinamico y ta bisa cu tabata necesario e tipo di materialnan aki na e scol. E ta un contribucion y ta bon pa e desaroyo di e scol aki.
A bishita St. Aloysius School cu no tin gymzaal mescos cu algun otro scol mas y cu esey ta un parti cu lo mester di atencion. Un scol sin un gymzaal na e momentonan aki, no ta un scol completo. E parti di educacion fisico ta fundamental den e desaroyo di un mucha. Esey kier bay pone mas atencion riba esaki. Pesey Minister dr. Lampe ta duna danki na sr. de Hertog y su stichting. Esey ta un bon muestra di bon cooperacion den reino Hulandes. Ta materialnan cu ta bin di Hulanda y e focus tambe den e programa di Gobernacion pa loke ta e gabinete nobo aki ta, ta pa fomenta, sigui desaroya un miho relacion den reino Hulandes.
Materialnan
Segun Minister Lampe, e lista di prioridadnan mester ta in place. Tin mil y un problema. Tin mil y un reto, pero bo mester bin cu prioridad. Kico ta necesario y un di e partinan cu pa Gobierno ta un di e prioridadnan, ta e parti di deporte y educacion fisico den enseñansa.
