Ayera tabata dia internacional di biodiversidad. Pa esaki, Rainbow Warriors a publica un comunicado den cua a menciona cu tin cierto area den Spaans Lagoen riba cua ta bezig cu algun construccion pa un supuesto hotel, mientras cu esaki ta registra bou di ‘wet land’.
Riba esaki a puntra minister-presidente Evelyn Wever-Croes si gobierno tin su atencion riba esaki, referiendo na e echo cu Rainbow Warrior a bisa cu gobierno ta neglisha door di no cumpra e terenonan aki.
Wever-Croes a bisa cu en berdad el a tuma nota di e construccion y debi cu e ta un di e diesseis areanan protegi cu ta cay bou di maneho di Parke Nacional Arikok, “n’e momentonan aki gobierno no tin algo di bisa den e maneho cu parke tin”, pero cu si a bati na porta di e parke pa nan asumi nan responsabilidad y percura cu ta cumpli cu ROP/ROPV, incluyendo e parke mes.
