Minister Plenipotenciaro Guilfred Besaril a presenta e Economic Policy durante e evento grandi di ONL na Hulanda

Minister Plenipotenciaro Guilfred Besaril a presenta e Economic Policy di Aruba durante e Excellencies & Entrepreneurs Dinner organisa pa ONL (Ondernemend Nederland) den cuadro di e Global Entrepreneurship Summit (GES) cu a tuma lugar na Den Haag.

Minister Besaril – conhuntamente cu 40 embahadornan y 300 comerciantenan internacional – a asisti na e evento aki cu ta un oportunidad unico pa topa y papia cu asina hopi inversionistanan di companianan renombra.

Durante e dinner diferente oradornan a tene un discurso manera minister Sigrid Kaag di Comercio Exterior y Desaroyo, embahador NorteAmericano Pete Hoekstra, wethouder di Den Haag Richard Mos y presidente di ONL Hans Biesheuvel. Sr. Biesheuvel den su discurso a menciona e paisnan Curaçao, St. Maarten y Aruba cu ta parti di Reino Hulandes y mustra e inversionistanan riba e posibilidad comercial cu e islanan aki ta brinda.

E anochi a cuminsa cu tres diferente workshops di cual minister Besaril hunto cu e functionarionan di Economische Acquisitie Roy Hart y Jacky Roga a participa na e workshop “Innovatie, platform voor groen ondernemers”. Banda di esey a tuma lugar tambe e asina yama “speed dating” na unda diferente “entrepreneurs” a mustra nan interes den Aruba. Durante e evento Minister Besaril y team di Arubahuis a cera conoci cu hopi inversionista. E ocacion aki tabata e momento oportuno pa Aruba presenta e Economic Policy na inversionistanan y asina mustra nan riba e sectornan economico cu Gobierno di Aruba ta concentra nan mes, cu ta Energia Solar, Sustainable Development Goals, Freezone Aruba y Turismo.

Minister Guillfred Besaril ta hopi satisfecho cu e atencion cu Aruba a ricibi na e evento grandi aki y por bisa cu e Excellencies & Entrepreneurs Dinner tabata un plataforma ideal pa cera contactonan cu sigur ta valioso pa den futuro.

Comments

comments