Minister Otmar Oduber a cera dump desde juni 2018 caba; Awor kier cer’e atrobe?

Desde dia 1 di juni 2018, ta dirigiendo mas cu 80% di desperdicio di Aruba, incluyendo domestico y comercial, pa EcoGas situa na Barcadera, por medio di un contract entre Serlimar y EcoGas. Mesora a nota un cambio drastico den e inconveniencia cu ta causa na e bario y e trahadonan. Pasobra awor mester atende cu e desperdicio di hopi aña cu tin eyriba pero e sero di sushi no ta sigui crece ni ta añadi mas desperdicio di tur sorto den e mescla.

E sobra di desperdicio cu ainda ta bay Parkietenbos ta consisti di cadaver di bestia, desperdicio di Hospital, sludge di RWZI, sludge di hotels y restaurants cu tur hunto ta 7%, cu mester kima den e incinerator chikito y nobo instala recientemente riba e mesun tereno di dump na parkietenbos. Tambe tin un cell special na Parkietenbos pa ricibi asbest den un forma corecto, cu hunto ta representa menos cu 1% di desperdicio eyriba. Sobra di tur desperdicio por bay EcoGas, lagando dump na Parkietenbos sin problema adicional fuera di e sero grandi di pasado.  

Pa loke ta remediacion di loke a keda di e dump, Ministro a encamina un proceso di RFP y e compania Romar Trading a sali ganado di e destaho. Awor mester cuminsa cu e remediacion pa drecha e desaster cu a keda atras despues di tanto aña ta dump eynan.

Diripiente ta papiando awor di cera dump atrobe comosifuera e desperdicio cu ta produci mal holo ta bay dump ainda, locual NO ta berdad!  Tambe ta referi ultimamente na e rapport di PAHO comosifuera nan ta recomenda un mass burn incinerator.  Esey tampoco NO  ta berdad.  

Locual SI e rapport di PAHO ta bisa ta:

No se puede realizar un análisis orientado a mejorar las condiciones del manejo de residuos sólidos a corto mediano y largo plazo, ya que no existen datos actualizados de los flujos de ingresos y salidas en los sistemas de tratamiento y disposición final, tampoco un análisis de la composición de los residuos sólidos, ni eficiencias en sistemas de tratamiento y disposición final. Por lo tanto; cualquier recomendación actual bajo cualquier técnica de procesamiento, será absolutamente subjetiva y deberá ser considerada como una opinión.

· Es necesario desarrollar un estudio de caracterización de residuos sólidos para identificar y cuantificar los residuos sólidos generados por la población, la industria y el turismo, de modo que se pueda contar con datos actualizados y certeros de composición física de acuerdo a lo descrito en el ítem 5.2.2.1.1. del presente documento.

Mester bisa aserca cu PAHO a recomenda e sistema cu EcoGas ta uzando actualmente pa procesa e desperdicio, dor di separ’e, paket’e y der’e.  Esaki ta loke PAHO a bisa di e proceso di EcoGas:

Cumple con reducir el volumen de los residuos, optimizando aspectos clave en las tareas de disposición final del mismo. Este proceso desarrolla un proceso de trituración para luego enfardarlos, en bloques compactos asegurados con hilos de metal que luego son introducidos en fardos de polipropileno que tiene las siguientes medidas referenciales recogidas en la visita de campo.

. Es fundamental tener en cuenta que, esta forma de disponer el residuo, es muy ventajosa, ya que alcanza grandes densidades superiores al relleno sanitario, aumentando sustancialmente su vida útil, beneficio que se requiere en Aruba por su poca disponibilidad de espacios.

Pa colmo, e mesun comision WERKGROEP SOLID WASTE MANAGEMENT 2018 cu Minister a nombra, ta recomenda entre otro pa manda tur RDF pa EcoGas y dera e RDF den pit designa. Tambe nan ta conseha Gobierno pa restructura Serlimar pa por competi den coleccion di desperdicio.

Ta di lamenta cu na un forma structura ta purbando di tur forma pa hustifica un contract pa bin cu un mass burn incinerator pa Aruba siendo cu tur conseho, hasta di PAHO y hasta di e comision di Gobierno mes, ta conseha lo contrario. E ta straña tur hende cu di un banda, Gobierno kier stimula economia dor di promove mas inversion local, mientras di otro banda ta haciendo tur lo posibel pa stroba companianan local. 

Conseho di Minister a bisa MetaCorp aña pasa, ora a cuminsa prepara pa celebra 100 aña di existencia na 2020, cu nan ta bonbini pa sigui inverti na Aruba, sigui crece y sigui emplea mas Arubiano. Pero ta parce cu a bin un cambio den maneho y diripiente ta inventando ley tras di ley pa persigui e compania, stroba su desaroyo y elimina cupo di trabou di nan empleadonan.