Minister Oduber: “Promesa haci y promesa cumpli!”

Instalacion di airconan a cuminsa ayera na Colegio Laura Wenet-Paskel na Kadushi Largo na Santa Cruz. Cu e logro aki, dentro di algun dia e alumnonan lo por cuminsa haya les den airco. “Esaki a sosode hunto cu coleganan Edgard Vrolijk y Hendrik Tevreden cu a cuminsa cu iniciativa pa comberti mas scol posibel cu airco”, asina Minister Dangui Oduber a informa.

E mandatario encarga cu maneho di turismo, salubridad publico y deporte tabata masha orguyoso di por a aporta na mehora calidad di dunamenton di les na e scol.

Ta intencion pa sigui instala mas airco na otro scolnan tambe, den un esfuerso pa tin mas alumno hayando les den un ambiente agradabel enbes di den calor sofocante.