“Ami a kere sindicato SEPPA NO ta existi mas pasobra den 8 aña ami no a scucha di nan!”, asina Minister Dangui Oduber di Turismo, Salubridad Publico y Deporte, a duna di conoce awe riba su pagina di Facebook. E Minister a bisa cu “Awor den 7 luna nan kier regla tur cos pa trahadonan cu nan NO a haci nada pa nan durante 8 aña largo! Ya caba ta papia di accion!”, segun e Minister a enfatisa. El a termina bisando cu “En todo caso, e Gobierno aki tey pa atende cu tur preocupacion di tur trahado na tur departamento y NO ta traha bao menasa!!!”
