Minister Oduber: E nombramento di chauffeurnan no ta ilegal ni inusual

Minister Dangui Oduber, encarga cu Salud Publico, den conferencia di prensa di gobierno a reacciona mesora riba cartanan cu ta circula den comunidad di personanan di su ministerio nombra como chauffeur pa transporta pashentnan pa AZV.

E mandatario ta bisa cu for di luna di april pa mei, a haya instruccion di Gobierno Hulandes pa baha gastonan cu 5 miyon florin. A haci ehercicio pa yega na e suma menciona pa baha e suma y e ta inclui cu e transporte di pashent a resulta cu ta algo cu no ta regla pa ley cu e pashent tin derecho riba dje. Asina a informa cu ta bay kibra e contracto cu e compania pa transporte.