Minister Oduber: Concepto ley Arubig a yega Parlamento

E cambionan di ley Arubig na caminda pa Parlamento. Esaki Minister encarga cu Salud Publico Dangui Oduber a bisa riba un post cu el a publica awe riba red social.

E mandatario ta bisa cu como minister di salud, e ta sinti su mes  contento y satisfecho cu Aruba ta yegando un stap mas cerca di un logro historico.

Un logra cu ningun gobierno antes den pasado a logra cual ta pa reconoce e yiunan di tera cu a studia medicina den region. Awe el a firma e carta pa por ‘’bied aan’’ e cambionan den e ley di Arubig na Parlamento di Aruba. “Nos ta yegando na culminacion di un trayecto largo pero cu curashi y determinacion ta logrando.” Te aki e post di e mandatario.

Pa hopi aña hobennan cu a studia den region a confronta problema, ya cu na final di nan estudio ta resulta cu leynan di Aruba no ta reconoce nan diploma. E unico forma cu nan por a traha si mester a bay henter un aña extra. Despues di hopi negociacion, a yega asina leu na e concepto di ley cu a presenta awo na Parlamento.