Minister Marisol Lopez-Tromp: Mi no ta sigui instruccion di ningun hende

Desde mainta trempan e reunion contra di minister di medio ambiente, marisol lopez-tromp, unda cu parlamentarionan a trece padilanti punto- y preguntanan. Marisol Lopez-Tromp a trece padilanti diferente punto den e acuerdo di bon gobernacion. Tambe el a reacciona riba e retonan cu el a topa cu ne desde cu el a cuminsa eherece e posicion como Minister.

Desde 5 di juli den un reuda di prensa Minister di Husticia hunto cu e dos Parlamentarionan di POR a pidi p’e mandatario Lopez-Tromp retira. Na su turno el a bisa di no haci esey. Awo e minister y paralmentarionan a kita nan mocion di confiansa. E mandatario a splica cu durante e cuarentena, el a sigui traha cu diferente comision. El a participa na un reunion cu Bikker y dos biaha a cancela e di dos reunion, uno door cu e tabata den un otro reunion y tabata dia di e inval na Otmar Oduber y a haya un mensahe di cancelacion.

Parlamento ta reuni riba mocion di desconfiansa contra Minister Marisol Lopez

Parlamento ta reuni riba mocion di desconfiansa contra Minister Marisol Lopez. Click e link pa mas https://24ora.news/2XeCDHE

Posted by 24ora on Friday, July 31, 2020

El a recorda tur hende, cu el a pasa den un screening fuerte. Desde e momento cu el a huramenta como minister, e ta para integridad. E cartera cu e tin, ta traha cu tur minister. Marisol Lopez-Tromp a bisa cu durante e periodo di COVID, el a sigui traha riba tur cos cu a pidi. Un di cosnan cu a pasa ta cu contractnan a termina. Segun Lopez-Tromp, como un director responsabel no por prolonga si no tin placa.

A bin cortamento di gasto den Serlimar, pero no personal, sino otro cosnan den e compania. Desde cu e ex lider di partido a retira, Lopez-Tromp a indica cu ainda ta sinti su presencia den manehacion diario di un ministerio. Tur hende tin e deseo y por manda peticion, pero ta evalua tur cos. Marisol Lopez-Tromp a bisa cu nan por a wel di yam’e pa koppig, di no ta teamplayer, pero e no ta sigui instruccion asina. E no ta di acuerdo cu e mester hacie of ta afo.