Minister Lampe: No tin diferencia di opinion riba Traimerdia

Minister di Enseñansa Rudy Lampe na final di e reunion cu sindicato y representantenan di personal di Traimerdia a expresa cu nan a contesta tur e preguntanan cu a wordo haci door di e sindicato, docente y shopstewardnan.

Ta trata di contestanan cu a wordo duna durante un reunion publico di Parlamento.E contestanan aki a bay pa e personal di Traimerdia y e sindicato. Den e reunion di awe diahuebs e ta bisa cu el a haya chens pa splica mas amplio e contestanan cu a wordo duna na e preguntanan den Parlamento.

 

E ta admiti cu tin un diferencia di opinion pero riba un cos nan tin e mesun posicion: Traimerdia ta imporante pa comunidad di Aruba y mester keda. E ta ofrece un tremendo servicio na comunidad. E futuro di Traimerdia no tin duda riba dje y tampoco riba e posicion huridico di e trahadonan cu ta keda mescos. Nos ta apoya nan posicion huridico 100%. Niun hende ta bay atras ni perde trabou. Traimerdia a wordo crea como un centro pa ricibi studiantenan despues di ora di scol, unda cu nan por wordo yuda den guia pa traha nan huiswerk. Esey lo keda.

A keda palabra na final, cu ademas di e contestanan por escrito cu a keda entrega, ta bay entrega un di dos rapport traduci di loke ta para den e documento 2030, specificamente e funcin di esnan cu ta traha den Traimerdia.