Minister Jesus-Leito a risibí Minister di Enseñansa, Kultura i Siensia (OCW) di Hulanda, Sra. Ingrid van Engelshoven, huntu ku Minster di Enseñansa, Siensia, Kultura i Deporte (EKSD) di Kòrsou Minister Alcala Walle.
Esaki den kuadro di nos sentro di siudat komo herensha ku balor mundial pa UNESCO i tambe un responsabilidat di Kòrsou i Hulanda. Durante di e enkuentro aki, Minister Jesus-Leito a duna un presentashon amplio tokante Willemstad su plannan riba e tereno menshoná, espeshalmente e parti di nos patrimonio. (Werelderfgoed).
Kòrsou tin un pasado ku ta parti di su futuro. Esaki ta nos sentro di suidat ku tin un balor úniko i ku for di aña 1997 riba lista di UNESCO komo patrimonio di nivel mundial. Nos sentro di suidat tin un arkitektura europeo adaptá na nos wer den Karibe. Algun ehèmpel di esaki ta e galeria ku ta pone dilanti di edifisionan pa wanta kayente. Tambe nos tin un espasio públiko ku ta krea pa nos kultura di kana i topa otro. Nos patrimonio nashonal Willemstad ta wordu maneha den dos ministerio, e ministerio di VVRP pa e parti di infrastruktura i maneho di monumentonan, i pa e aspekto kultural pa e ministerio di EKSD.
Minister Jesus-Leito a duna un bista di su vishon pa nos patrimonio mundial pa 2025, ku ta enserá puntonan manera:
- Mas hende ta biba den Punda
- Otrobanda lo ta konektá ku un parke rekreativo grandi
- Skalo ta bira un eksposishon di arte i kultura
- Nos por kana riba un bulevar kanto di kosta na Pietermaai
- Espasionan bashí ta yena ku edifisionan nobo ku ta tene kuenta ku nos patrimonio
- Nos monumentonan ta reflekshon di grandesa
Den transkurso di añanan, Kòrsou por a mira un adelanto grandi riba e tereno di kuido di nos patrimonio. Ehempelnan di esaki ta Skalo, Pietermaai, Monumentonan protehá, Breedestraat Punda, Plasa Jojo Correa, i mas.
A logra esakinan trahando huntu ku tur aktor i integrashon di aspektonan sosial, ekonómiko, ekológiko, i asuntunan físiko, usa un strategia di desaroyo di área spesífiko, renobashon di leinan i reglanan, i ehekushon di proyektonan.
