Diabierna ultimo tabata tin inauguracion di e vuelo di Aruba Airlines di Corsou pa Miami.Sigur tabata un momento sumamente special cu un aerolinea cu ta carga nomber di Aruba ta conecta Merca cu Corsou.Minister di Economia, Giselle Mc William a comenta di ta hopi contento. Esaki ta un di e proyectonan cu el a cuminsa cune ora cu e tabatin apenas dos siman como minister y awo e ta realisa.
E minister ta gradici tur esnan cu a yuda realisa esaki, specialmente Chris Romero, cu na momento cu e tabata na Corsou, a planti’e e idea aki. Minister Romero a hiba e palabra pa Aruba Airlines y despues di trabaonan hopi determinante pero tambe como team na Corsou, cu tur nanishi den e mesun direccion, por a logra tin Aruba Airlines ta conecta Corsou cu Miami, asina trece mas posibilidad.
No solamente pa e yiu di Corsou biaha pa Miami, pero hopi importante tambe pa e cantidad di turistanan cu Corsou ta bay spera proximamente, cu apertura di un Marriott Hotel, un Corendon cu na april mester ta cla y tambe cu tin un Renaissance Hotel cu tambe ta bezig ta upgrade su cambernan.Marriott Courtyard cu tambe lo construi proximamente.
Tur esaki ta duna suficiente cuminda y ta demostra cu e aerolineanan aki ta importante pa conecta Corsou cu Merca.
E conexion di Aruba cu Corsou
E mandatario di economia di Corsou a sigui splica cu Aruba Airlines ta kere den Corsou no obstante e retonan cu tin como isla, nan a dicidi di pone nan schouder bao di esaki y tambe duna nan mes oportunidad pa explora un mercado atrabes di Corsou, cu pa nan tambe den futuro y e mandatario tin sigur cu proximo siman y lunanan, nan lo mira e frutanan bek di henter e desaroyo nobo aki.
Proyectonan priva
E trabao di gobierno ta di facilita. Ta facilita comercio y no ta mete den comercio. Segun Mc William, si loke cu gobierno mester percura ta facilita mas tanto posibel e proyectonan, cu den un tempo hopi cortico, Gabinete Rhuggenaath ta bin ta canalisa door di traha hunto y realisa esakinan y tin mas tambe den tapara.
