Diamars tabata Dia Mundial di Telecomunicacion. Un dia sigur pa conmemora y refleha ariba con leu tecnologia a hiba nos, unda cu tecnologia ta e conexion entre e sernan humano.
Relaciona cu e dia asina importante aki, Minister Geoffrey Wever, encarga cu e cartera di comunicacion, a haci un bishita na SETAR NV pa asina celebra y gradici tur e profesionalnan cu ta labora tur dia pa asina mantene e conexion entre Aruba posibel.
Director di SETAR NV, Roland Croes a ricibi e mandatario y a dun’e un rondleiding den e instalacion y tambe a dun’e un splicacion breve di tur loke e comunicacion ta encera.
Minister Geoffrey Wever a gradici un y tur cu ta haci posibel cu Aruba ta keda conecta.
