Minister Ferrier irita pa carta di CFT

Minister di Finansas di St. Maarten, Mike Ferrier, a expresa su iritacion riba un carta for di e colegio di supervision financiero, CFT, cu ta contene kehonan riba e deadlinenan cu St. Maarten no ta cumpli cun’e, pa loke ta trata e presupuesto di 2018 y e cuentanan financiero anual, bayendo bek pa 2013.

Den un carta data dia 19 di Maart, Ferrier a duna CFT un bista di e asunto coriente y el a enfatisa e necesidad pa e Conseho di minister di Reino pa tuma un decision positivo riba e aplicacion di articulo 25 di ley financiero di supervision di reino. E articulo aki ta permiti St. Maarten traha cu un presupuesto cu ta mustra un deficit.
“Pa nos frustracion enorme, nos ta confronta cu esaki y a wordo recorda cu si no cumpli cu deadlines mientras cu nos ta wordo riba e interpretacion y aplicacion di articulo 25 di e ley financiero di supervision di reino pa CFT y e Conseho di Minister di Reino,” Ferrier ta skirbi como reaccion na e carta di CFT riba dia 14 di Maart.

E minister ta agrega cu el a experencia cu e carta di CFT ta “hopi desepcionante” pero tambe ta pone St. Maarten un biaha mas den un luz negativo. “Esaki ta daña nos reputacion den Tweede Kamer y cu e Conseho di Minister di Reino inecesariamente. Nos ta spera cu CFT duna un conseho positivo y specialmente un rol facilitador bao di e circunstancianan aki.”
St. Maarten lo pidi e presidente di e Conseho di Minister di Reino – prome minister Mark Rutte – pa un posponemento di e deadline pa e presupuesto di 2018 te cu dia 1 di Mei.
Ferrier ta spera pa entrega e cuentanan anual di 2013 y 2014 pa dia 1 di Mei na CFT, 2015 pa dia 1 di Juli y 2016 pa dia 1 di September.