Desde mainta caba a cuminsa preparacionnan pa un evento na Cas di Partido AVP na Savaneta, unda a cushina BBQ, tabatin wega di domino, dino jump, hopi musica y mas. Simpatisantenan, votadonan y publico general a yega di trempan pa no solamente saborea un soculento BBQ, pero tambe pa topa cu e mandatario, intercambia di idea y sugerencianan pa e campaña electoral 2017. Lo tin mas di e tipo di eventonan asina den e siguiente simannan nos dilanti. Minister Schwengle tabata sumamente contento con e evento a bay, di cual tur cuminda a keda bendi. “Danki na tur persona cu cumpra BBQ pasobra sin boso nos no lo a bende mas di 500 cuminda”, e mandatario a expresa sumamente contento. El a gradici tur su sponsornan, kendenan a yuda realisa e evento aki. Por ultimo minister ta gradici Team Dr. Schwengle, pa un otro evento exitoso.
