Minister di Enseñansa, dr. Rudy Lampe awe tardi a reuni cu un grupo di hende na Colegio Arubano. Probablemente e tin di haber cu e ultimo desaroyonan rond di di e cambio di pasa e scol for di SMOA pa SKOA. Esaki ta un medida di urgencia comokiera cu Directiva di e fundacion no kier baha. Como medida Gobierno a dicidi di para nan subsidio y pasa e subsidio y e empleadonan tur pa SKOA. A nombra un comision chikito tambe entre SKOA, e docentenan, Obispado y Ministerio di Enseñansa, pa hunto yega na un formula con SKOA lo por sigui maneha e scol den futuro.
Despues di e reunion, nos a purba haya un prome comentario di e mandatario, pero e no kier a papia. El a referi nos na un conferencia di prensa mañan mainta 10:00am. Ey e lo menciona na ki acuerdo a yega cu ne pa cu Colegio Arubano, cu ta conoci pa ta educa un average di como 1300 alumno anualmente.
