For di algun dia caba tin informacion ta circula relaciona cu caso di tuberculosis (tbc) den KIA. A papia cu lo tin como diesun persona afecta den prizon. Mesora a dicidi di acerca Minister di Husticia, mr. Arthur Dowers riba e tema aki.
Durante un entrevista exclusivo cu Brian Koolman di 24ora.com, mr. drs. Arthur Dowers a confirma cu di berdad tin caso di tbc den KIA. E minister a indica cu e ta un situacion cu ta andando for di aña pasa caba, pero nunca e tempo ey a informa comunidad kico ta pasando. E situacion ta uno bou di control, pero e ta contagioso si.
A test y tin personanan cu a sali positivo. A evacua y pone e presonan aki den un area apart. E ta un situacion cu por pasa, no ta nada for di normal. Claro, awo tin cu bay mira si tur cos a cana bon na ora di admision. Ta importante pa mira e maneho di comunicacion pa cu comunidad. Dowers ta kere firme den un liña di comunicacion habri.
