Minister di Husticia: Fiscal por uza militar ora Polis mes pidi!

Minister di Husticia mr. Andin Bikker a reacciona riba e incidente cu a tuma luga siman pasa ora cu Ministerio Publico a opta pa pidi asistencia di Cuerpo Militar durante un investigacion, cu de facto ta trabou di Polis. Minister Bikker tin comprension con sindicato SPA a reacciona y no ta mira pakico Ministerio Publico mester a acudi na asistencia militar, den e forma haci den un caso recien na un supermercado na Dakota.

ADV

Minister Bikker lo propone na Conseho di Minister pa considera restringi asistencia militar solamente na casonan caminda cu e peticion ta sali for di Cuerpo Policial, cual ta e organo central di combatimento di criminalidad y mantencion di orden publico. A informa Ministerio Publico di esaki tambe!

Esaki mirando cu un paar di biaha caba e comunicacion riba e procedura a resulta di no ta bay optimal, cual ta trece consternacion inecesario, e mandatario a indica.

Comments

comments