A acerca Minister demisionario di Husticia y Asuntonan Social, Rocco Tjon pa ricibi claridad riba diferente topico. Entre otro RST, proceso di screening y formacion.
For di fuente den husticia, a confirma cu varios miembro di RST na Aruba a bandona nos isla y cu tin pensa pa disolve e team aki. Den un entrevista exclusivo cu Rocco Tjon el a confirma cu esaki no ta berdad of por lo menos te unda e sa, esaki no ta un topico cu ta andando. Berdad si ta, cu tin pendiente un reunion di ‘vierlandenoverleg’ pa husticia y ey lo trata diferente topico referente husticia y claro, RST tambe.
Pa cu e proceso di screening di minister, Tjon ta preocupa. No ta mucho siman pasa a sinti for di e formadonan cu a pensa pa cambia e ley of haci cambio den e ley. Pa Tjon, esaki no ta aceptabel. E ley no ta e problema, ta djis cu e formadonan a tarda pa manda nomber di e candidatonan pa minister.
