Minister di Finanza a yama Secretario di Estado nobo bonbini

Hulanda tin un gobierno nobo, Gabinete Rutte IV, cual a huramenta dialuna mainta. Consecuentemente, tin tambe un Secretario di Estado nobo. 

Minister di Finanzas, mr. Xiomara Maduro a bisa cu esaki no ta nada nobo, ya cu tur caminda na mundo tin cambio den gobierno, cu ta bin cu mandatarionan nobo. No tin nada special den esaki. 

El a gradici Raymond Knops pa su trabou eherce y banda di esey a yama Secretario di Estado nobo, mr. drs. H.G.J. (Hanke) Bruins Slot un bonbini. Ta spera cu lo por tin un bon comprendemento cu Hanke Bruins Slot na bienestar di pais Aruba y Reino Hulandes.