Minister di Enseñansa, Siensia, Kultura & Deporte sra. Marilyn Alcalá-Wallé tabata un di e oradornan prinsipal na e di 49 konferensia di ACURIL, e “Association of Caribbean University, Research and Institutional Libraries” na Aruba.
Durante di e konferensia Minister Alcalá-Wallé a trata e tema “ Literacy is Life itself”, Alfabetisashon ta bida, ku otro palabrá un hende ku no ta alfabetisá no tin un bida ni un futuro.
Durante su intervenshon minister Alcalá-Wallé a elaborá riba e definishon moderno di Alfabetisasjon i e konsepto di sigui studia pa semper (Life Long Learning), Curaçao meimei di e bibliotekanan Karibense i e vishon pa futuro. Alabes Minister a para ketu na strategianan pa sostené alfabetisashon den konteksto di e Metanan pa Desaroyo Sostenibel di Nashonnan Uní (United Nations Sustainable Development Goals). Durante e próksimo dianan ta sigui mas informashon.
