Aña pasa na Hulanda a tuma luga reunion di klimaat top. E aña aki Aruba lo ta e anfitrion p’e Caribbean Climate Energy Conference. Gobierno tin di anuncia oficialmente ainda riba e conferencia aki. Tambe kier reactiva e refineria a base di loke prome minister a bisa di no tin un refineria cu ta saca huma preto. Gobierno kier habri esaki bek cu tecnologia limpi y moderno, cu no ta un molester pa comunidad di San Nicolas ni henter pueblo di Aruba.
Glenbert Croes, Minister di Energia, a splica cu Gobierno di Aruba hunto cu Gobierno di Hulanda ta organisa e conferencia aki. Esaki ta pa nan compromete, pasobra ta ‘leading by example’, ‘walking your talk.’ Como reino, como miembro di Reino Hulandes, pero tambe di region, a purba compromete na mundo y ‘nos mes’, n’e roadmap rumbo pa e metanan di acuerdo di Paris. Segun e mandatario, mester tin un clima neutral na mundo.
El a splica cu si bisa un pais chikito manera Aruba ki forsa su bos por tin den henter e discusion, di tin un mundo mendialmente sano. Loke mester laga p’e yiunan, e pregunta pa cada persona ta “kico ta e mundo cu nos ta bay laga atras. Kico ta e Aruba nos ta bay laga atras pa nos yiunan, nan yiunan?” Croes ta kere cu e consecuencianan cu cos bay fout, si mundo no worry p’e metanan, lo ta devastador specialmente p’e islanan chikito pa Aruba.
Di ignora e metanan aki, di no controla e calentamento global, e nivel di lama subi, segun e mandatario “nos islanan ta esunnan prome pa desaparece.” P’esey mester tuma e discusionnan aki serio. Entre otro e ta un esfuerso di Gobierno di Aruba henter. Momento cu el a bisa di reacitva refineria, esaki no ta basa di HFO (Heavy fuel oil). Pero esaki ta basa di tecnologia limpi, tecnologia moderno, energia limpi. Cumpli cu e metanan poni pa 2030-2050 pa loke ta trata e acuerdo di Paris.
Croes a enfatisa cu nan ta comprometi p’e metanan medio ambiental pa laga un Aruba limpi por ehempel.
Pa mas lesa TERMPAN.COM
