Diaranson Minister di Educacion, mr. Gerlien Croes a tene un reunion cu sindica SIMAR, representando e maestronan. E ultimonan aki a presenta seis proposicion pa cambio salarial di e veld di educacion.
Algun di e proposicionnan di e sindicatonan ta:
– Gelijktrekking pa schaal 35
– Toelage conta pa pensioen
Nan kier e cambionan aki cu forsa retroactivo. Ademas di esakinan, nan tabatin algun punto mas riba agenda.
Esaki ta haci cu e Minister di Educacion y su team lo bay bek den nan seno y haci e calculacion- y proyeccionann di nobo. Esaki ta trece cu ne cu, kisas no lo alcansa pa duna bek dia 1 di januari locual a priminti. “Esaki tabata mi deseo profundo pa e veld di enseñansa”, e mandatario a duna di conoce.
E minister lo bay bek den su seno y lo wak si loke e sindicatonan a presenta di berdad ta ‘haalbaar’ y di eynan sigui negocia.
