Minister di Economia Geoffrey Wever: Seminario exitoso presenta pa Amazon Web Services

Minister di Economia Geoffrey Wever anfitrion di evento pa entrepeneurship riba nos isla. Relaciona cu esaki el a bin comparti
diferente informacion con esaki ta bayendo y kico tur su ministerio ta haciendo den plan di su maneho.

Minister Wever a indica cu parti di nan principio general di economia e ‘six promising sectors’ cual un di nan ta e knowledge economy,
caminda kier stimula e economia local pa pensa mas den e mundo digital, un digital ecosystem. Caminda ta opera den e mundo internacional ofreciendo servicio na un clientela pafo di Aruba. Pa por haci esey na un forma efectivo, mester tin acceso ta conocemento, ki tipo di infrastructura digital tin y ta parti di nos economia caminda principalmente e hobennan ta kere hopi den e tipo di industria aki y ta activo riba e tereno aki.

Pa stimula, a acerca Amazon Web Services pa duna un training/seminario na Aruba pa siña e entrepeneurnan/startups di nos isla kico ta e
infrastructura digital cu tin eyfo, e oportunidad cu tin eyfo y asina por mehora nan producto/scale up y asina bira mas exitoso den e area.

A prome instante no tabata sa kico lo por a spera, kico lo tabata e animo di participacion y a opta un approach poco conservativo. A habri
dos seminario cu cupo di 50 participante pa no overpromise y a resulta cu inmediatamente ambos seminario a sold out.

No obstante cu gobierno ta financia esaki, Minister Wever a indica cu su ministerio a partner up cu ImpactHub Aruba, Universidad di Aruba y
Camara di Comercio pa establece e incubator hunto cu ImpactHub cu e compromiso di trece e tipo di programa aki , e tipo di training aki y
trece e conocemento. Ta locual cu a logra cu seminario aki y ta un satisfaccion di por mira cu sector priva/ nos empresarionan a reacciona masalmente door di inscribi inmediatamente.

Pa brinda mas acceso na e seminario a habri un Live stream y naturalmente siña algo for di oportunidad aki. Minister Wever a duna
di conoce cu en berdad esaki no ta solucion pa tur cos pero sit a paso cu ta tuma pa yuda cada sector sperando cu esey por trece oportunidad nobo.

Manera menciona e evento di diahuebs y diabierna ta completamente reserva. Door di demanda halto, a añadi e posibilidad di sigui e
seminario LIVE via Facebook. E seminario Startups and Entrepreneurship for Economic Growth, presenta pa Amazon Web Services, conhunto cu Ministerio di Asuntonan Economico y ImpactHub Aruba a hala atencion inmediato.

Tabata un placer pa por cera conoci personalmente cu Daniel Bedolla, representante di Amazon Web Services, ta locual cu Minister Wever a
publica riba su red social. Ta contento cu e perspectiva riba digitalisacion ta asina halto y cu e por provee na tur e cursistanan cu a reacciona.

A yama un bonbini cordial na Daniel Bedolla y ta spera tur por haci uzo di e oportunidad di experiencia e seminario den persona, of via
nos live broadcast. Digitalisacion no ta e futuro, e ta e presente. Asina aki a brinda mas conocemento riba e maneranan pa engrandece negoshi, of adapta strategianan unico, cu ta combina digitalisacion dentro di bo “value-chain” y “business strategy”.