Minister di Cultura a habri Fakkeloptocht

Minister Xiomara Ruiz di Finansa, Asuntonan Economico y Cultura a cende e flambeu pa den forma oficial duna inicio na e prome parada di carnaval di nos isla. Ta trata aki di e parada mas grandi di henter e temporada, mas o menos 10 mil participante. Tin un total di 9 grupo participante y un Lastlap band, cu e aña aki ta BMW. Ta calcula cu den careda di 1:00am e evento lo termina, na altura di ex-edificio di DOW den Paardenbaaistraat.