E mandatario di deporte a mustra su preocupacion pa e caida di palo di lus riba veld di River Plate. Net ora mester a tuma luga entre dos team di veld di futbol. E mandatario den forma preocupa a expresa cu un situacion hopi peligroso a surgi riba Veld di Riverplate caminda un poste di luz a bin abou den presencia di muchanan. Danki Dios no tabata tin ningun herido pero e por tabata fatal.
Minister Dangui Oduber a splica cu e tin atencion pa esaki y lo tuma accion di inmediato pa haci un inspeccion na tur otro club y facilidadnan deportivo pa evita algo asina ripiti.
Tambe e minister a splica cu esey ta e insistencia pa Canadian Bank Note y Lotto duna MAS PLACA na deporte pa inverti den mantencion! Nan POR duna mas, ta kier nan NO kier! E lotto nobo mester bini segun minister Dangui Oduber.
