Por a mira varios sindicato ta contra legalisacion di marihuana. Minister di Salubridad Publico, Turismo y Deporte, Dangui Oduber, ta bisa cu ta importante pa gobierno duna e informacion corecto. Pa e sindicatonan tambe.

E sindicatonan a expresa cu nan ta contra marihuana. Gobierno tabata hopi cla den esaki. Oduber, como minister di salud publico, a bisa na mas cu un ocasion cu loke ta bezig cun’e ta un trayecto di ley pa legalisa e uzo medicinal y no recreacional.

Minister Dangui Oduber: Den ningun momento a bisa cu lo legalisa marihuana recreacional

Minister Dangui Oduber: Den ningun momento a bisa cu lo legalisa marihuana recreacional. Click link pa mas https://24ora.tv/2qCstmQ

Posted by 24ora on Tuesday, December 10, 2019

No por imagina ken por ta contra, sea ta sindicato of cualkier otro persona, di haci uzo di cannabis pa uzo medicinal, pa yuda salud di hende. Esey a pone den e programa di gobernacion, cu tres partido, MEP, POR y RED a firma y ta riba e trayecto ey ta canando.

Den ningun momento a papia di legalisa cannabis pa uzo recreacional. No ta papiando cu lo bin koffieshop of humamento riba caya, sino e uzo medicinal pa traha productonan medicinal.

“Esaki ta falta di informacion y ta deber di gobierno pa educa esnan cu no tin informacion di e materia. Logicamente ta bay comparti tur e informacion aki cu comunidad, cu sindicatonan, cu Parlamento di Aruba, pa na un forma hopi transparente tur hende ta na altura kico ta e plannan di gobierno, kico ta e vision di gobierno y kico ta bezig cun’e, pa asina tur hende compronde e materia.”

E minister a reitera cu e uzo recreacional ta for di e discusion aki. Ta papia solamente riba e uzo medicinal pa e hendenan cu tin mester di dje. Mayoria di pais na mundo a legalisa caba cannabis medicinal. Algun pais a legalisa e uzo recreacional, pero awo e prome paso pa e pais ta e uzo medicinal.

Duracion

Esaki ta algo nobo pa pais Aruba. Tur cos nobo ta tuma su tempo. Tur cos nobo tin cu haci bon. No ta pasobra a pon’e den e programa di gobernacion tin cu yega haci’e den e prome dianan di gobernacion.

A splica comunidad kico ta bezig cun’e. Pero awor aki tur cos ta cla pa haci esaki un realidad cu e productonan medicinal pa bira disponibel pa esnan cu tin mester di dje. Ta un necesidad pa cierto pashent cu mester di e cannabis medicinal pa nan uzo.

Ki tempo

Segun e minister, awor aki a haci tur cambio necesario pa landsverordening verdovende middelen. Esaki lo mester ta aproba den Conseho di Minister y ya caba a aproba un startnotitie.

Aworaki e proceso ta pa aproba cambionan den ley. Esaki lo mester bay Directie Wetgeving Juridische Zaken, e mester bay Raad van Advies. Tin cu haya pensamento di RvA riba esaki pa Gobierno contesta. E siguiente paso ta pa bay Parlamento. Esaki sigur lo ta un realidad pa 2020. E lo ta un aña hopi prometedor pa nos pais, no solamente pa economia, sino pa AruBig, pa Cannabis medicinal, Boardwalk Fase 2, e proyecto di Baby Beach lo ta ehecuta, Bushiri lo cuminsa, Port City lo cuminsa. Aña 2020 lo bira un aña hopi positivo pa tur ciudadano pa nos pais.

Comments

comments