Minister Dangui Oduber contento cu MetaCorp ta inverti den San Nicolas

Durante un rueda di prensa di Gobierno, relaciona cu e desaroyo di un hotel na Baby Beach, Minister Dangui Oduber a menciona di ta contento cu companianan grandi, entre otro manera MetaCorp lo inverti atrobe den San Nicolas, den forma di un cinema. Esaki, segun e mandatario, ta algo cu no a sosode den e ultimo decadanan. Tur esaki ta pasobra nan ta kere den e Gobierno aki.

Nan ta kere den e compromiso cu tin pa San Nicolas, cu ta pa prome biaha ta papia di un posibel desaroyo cu lo genera trafico, hende lo bin San Nicolas y finalmente tin un ship di tur e turistanan cu ta concentra pabao di brug, lo bin pariba di brug, el a menciona.

Si no tin desaroyo, si gobierno no ta inverti den infrastructura, den e facilidadnan, den e parti turistico, dificilmente e turistanan lo bin e otro banda di e isla.

Pueblo contento cu binmento di cinema nobo pa San Nicolas

Pueblo contento cu binmento di cinema nobo pa San Nicolas

Posted by 24ora on Tuesday, February 19, 2019

Desaroyo na Baby Beach

E plannan cu ta papiando di Baby Beach, ta plannan cu a wordo papia den e ultimo 20 aña. No ta plannan ad hoc cu e gobierno aki a inventa, cu kier un desaroyo hotelero na San Nicolas.

Segun Minister Dangui Oduber, prome cu plannan inicia, ta haya NGO’s, ta cuminsa cu campañanan negativo pa stroba un desaroyo na San Nicolas.

Tur hende ta conciente di e necesidad, di e inversion, di desaroyo na San Nicolas. San Nicolas a wordo lubida, sigur pa e gobierno di AVP. Pero awe, netamente esnan cu ta sostene e partido aki abiertamente, cu semper a boicotea tur proyecto, tur desaroyo riba e pais aki.

Por corda cla den nos memoria, con nan a boicotea e proyecto di Ritz Carlton, un proyecto awe cu a duna e resultado cu tabata busca e tempo ey, cu a crea empleo, cu a stimula economia, cu ta trece turistanan di calidad na nos pais.

E maneho di e gobierno actual ta loke enfoca riba dje, cual ta turistanan di calidad. Awe ta papia di un posibel desaroyo na San Nicolas y di biaha ta haya e NGOnan aki para den rij atrobe, pa stop e desaroyo aki cu lo beneficia San Nicolas.

E proyecto hotelero aki ta un di e aspectonan di e plan integral cu e gobierno tin pa San Nicolas. E plan cu tin, no ta solamente hotel.

A anuncia recientemente cu lo bay drecha, mehora e infrastructura di Baby Beach. A bisa cu ta bay drecha e canchanan deportivo, percura pa nan mantene e canchanan aki.

A bisa cu lo bay bin cu mas actividad pa trece e turistanan San Nicolas. Lo bay crea espacionan pa parking cu no tin na e momentonan aki.

Masterplan

Minister Oduber a splica cu a informa comunidad cu lo bay drecha e piernan na Rodgers Beach. Lo bay mehora e infrastructura na Rodgers Beach. Lo bay crea un facilidad nobo na Rodgers Beach. Tur esaki ta conhuntamente den e plan integral cu tin pa stimula economia, stimula movecion di hende, stimula trafico y convence comerciante y inversionistanan pa kere den e plan, kere den e proyecto, cu tin pa San Nicolas.

A bisa cu lo bay inverti, renoba, den e oficina di turismo na San Nicolas, pa asin turistanan tin acceso na e oficina y brindanan informacion kico tur San Nicolas tin di ofrece.

A bisa caba cu lo bay cuminsa bek cu e festival pa San Nicolas, pa trece hende bek San Nicolas. Completohah deportivo lo inverti aden.

Ex Prinses Christinaschool na San Nicolas, un edificio bandona. Di e edificio aki lo bay traha un compleho deportivo di canchanan di Beach volley, beach tennis y beach soccer.

Un inversion chikito cu un impacto grandi. Minister di infrastructura a anuncia dos siman pasa cu nan ta invirtiendo den Carnival & Entertainment Village, di haci’e di loke e mester a bira, cu Gobierno anterior no a percura p’e. Un candidato di San Nicolas, cu ta biba eynan, no a haci nada pa San Nicolas.

NGOnan ta contra desaroyo na San Nicolas

Awo cu tin un gobierno cu ta dispuesto, cu ta mustra e compromiso real di kere den e potencial di San Nicolas, ta haya un grupo di hende cu no tin e interes, ni di San Nicolas, ni di comunidad di Aruba na pecho, ta boycotea posibel proyectonan.

E proyecto aki ainda no tin un garantia cu e grupo lo mester cumpli cu diferente rekisito pa asina e proyecto aki por sigui. Pero ta lamenta ya caba e resistencia cu tin, cu na final di dia, e proyecto aki, si e sigui, lo stimula economia y genera empleo.

Ta trahando caba cu minister di labor y esun di enseñansa, pa percura pa tur esnan cu ta biba riba e pais aki, no tin un trabao, tin un perspectiva pa futuro. Tin un perspectiva cu por brindanan un empleo. Tin curiculum di Hospitality na EPB, na EPI y na Universidad di Aruba.

Awo si tin e curiculumnan aki, no kier mas desaroyo ni di All Inclusive pa San Nicolas, ni di Boutique Hotel, pasobra esey ta loke e grupo di NGO ta para pe. Nan no kier wak ningun desaroyo mas.

Pregunta ta bay na nan, cu si no tin ningun desaroyo mas, unda tur e studiantenan aki lo bay traha.

Tur esnan cu ta caba EPB sector hopitality, EPI, Universidad di Aruba, nan lo mester emigra pa bay trabao afo, of gobierno tin cu percura pa tur esnan cu ta studiando na e momentonan aki, tin un trabao garantisa mañan cu tin e proyecto aki.

A bisa cu e proyecto aki ta forma parti di un master plan. Hunto cu manera minister di transporte tambe a anuncia algun luna atras pa e fast ferry un masterplan den su totalidad pa San Nicolas.

Ta spera cu gobierno por convence esnan cu ta biba na San Nicolas y henter comunidad di Aruba, cu e decision cu nan tuma, ta na beneficio di muy en especial San Nicolas y muy en particular na beneficio y economia y tur esnan cu ta traha y biba riba e pais aki.

Comments

comments