Actualmente tin varios variante di e COVID-19, ta circula y asina tambe na Aruba, unda cu lo tin 20 caso positivo.
Durante un conferencia di prensa, Minister Dangui Oduber di Salud Publico, a indica cu e variante nobo XBB1.5, no ta test p’esaki na Aruba. Informacion cu nan a ricibi for di RVM, ta cu e variante aki ta comparabel cu e variante Omicron. Es decir, cu e no ta asina severo y pa cual na Aruba no mester preocupa mucho cu e variante.
Mas aleu, el a bisa cu Aruba a experiencia Omicron unda cu tabata tin casi cinco mil caso, pero toch esaki no a refleha den e cantidad di hospitalisacion, cual p’e mandatario sigur ta algo positivo.