Minister Dangui Oduber: A mira un reduccion den casonan positivo

Diarason anochi, gobierno a tene su rueda di prensa unda cu minister di salud publico, turismo y deporte, Dangui Oduber, a duna un update pa loke ta e situacion di Covid na Aruba.Esaki tabata un bon siman te cu diaranson, compara cu siman pasa, cu tabata e pio siman pa e cifranan  cu a registra casonan positivo na Aruba.A mira cu tin un reduccion den cantidad positivo. Te cu awe por mira cu e positivity rate a conoce reduccion den e ultimo dianan.

Tin cu agrega cu a yega na e nivel cu ta desea di yega, pero ta sinti cu por ta cautelosamente optimista pa e simannan cu ta sigui.Ta consciente cu e casonan nobo lo keda bon. Pero a pone un meta cu kier yega y ta trahando duro pa yega na dje.Di ora cu Covid a yega, tabata tin un strategia con pa maneha e crisis aki.

E strategia aki continuamente ta wordo discuti. Si esaki tin cu wordo adapta y awo a anuncia kico lo bira strategia di awo padilanti considerando cu Covid no lo reduci den e proximo lunanan.E ta enfoca riba reduci riba e cantidad di contagionan. Kier yega na 30 caso positivo pa dia.Kier preveni y combati clusternan den casnan di cuido, sector priva y companianan di gobierno como tambe e ambtenaarnan, segun e mandatario.

Vacuna

Tambe ta enfoca riba vacuna. Segun e mandatario, ta den combersacion cu Hulanda y PAHO pa esaki bira disponibel pa Aruba tambe.Minister Blokhuis di Hulanda a indica cu un vacuna lo bira disponibel pa fin di aña. Si e vacuna aki no bira disponibel pa Aruba, ta considera riba group immunity (inmunidad di grupo).

Proteha esnan mas vulnerabel

Meta pa e proximo lunanan ta pa proteha esnan mas vulnerabel den comunidad. Lo bin cu medidanan mas estricto riba casnan di cuido. Tin cu menciona cu e medidanan ta estricto caba, pa cuida esnan cu ta cay den e grupo vulnerabel aki.Tin cu percura pa por tuma personanan cu tin Covid riba e afdeling. Esaki ta conta tambe pa e capacidad di ICU cu na e momentonan aki a dicidi hunto cu hospital cu lo aumenta esaki te cu 33 unidad. Tambe pa por ofrece “elective & reguliere zorg” cu ta bao di presion.

Otro metanan

Otro di e metanan ta pa maneha e plamamento di e virus mas miho den nos comunidad. Den esaki ta haciendo investigacionnan hopi extenso, con e virus ta comportando su mes den comunidad.Pa controla esaki miho, ta monitor esnan den isolacion y cuarentena. Tur dia e controlnan aki ta tumando luga.Ta bay enfoca riba test esnan cu ta mas vulnerabel, y tambe tin cu monitor di cerca esnan cu ta traha den cuido. Esaki lo keda enfoca riba dje.

Gobierno ta duna ultimo informacion di COVID-19

Gobierno ta duna ultimo informacion di COVID-19

Posted by 24ora on Wednesday, September 23, 2020

Recuperacion

E ultimo simannan aki tambe por a constata cu un gran cantidad di persona a recupera nan salud completamente.Awe tabata tin 75 persona cu a recupera y a sali for di isolacion y alabes a registra 56 caso nobo.E positivity rate tabata relativamente halto. Siman pasa tabata un piek di 45%. A nota cu esaki a baha consideradamente na 25%. Awor aki tin 1195 caso positivo. Cu esaki tin cu bisa cu na e momentonan aki tin mas persona cu a recupera nan salud cu tin casonan activo.

Hospital bao di presion

Situacion na Hospital ta wordo poni bao di presion no tur dia sino tur dia tin hendenan ta wordo interna y alabes tin hendenan cu ta sali. Tin cu bisa acerca cu di e cantidad di casonan positivo cu tin registra na Aruba 500 tin di haber cu otro condicionnan.. Ta hendenan cu ta wordo interna den Hospital. 29 ta interna riba e Covid afdeling y 11 den ICU. Hospital a cuminsa prepara e opschallingsplan.

Pa esaki mester amplia e capacidad di personal. A palabra cu Hulanda cu nan lo yuda den esaki. Ta bay amplia e capacidad di personal cu ta na disposicion di Aruba. Awor aki tin 38 di e profesionalnan aki na Aruba y dentro di fin di siman kier yega na 50 profesional, di cual 40 verpleegkundige y 10 specialista pa reforsa hospital.

Tambe a pidi Minister Blokhuis pa busca 2 longarts pa yuda na hospital. Awor aki tin 3 specialista, teniendo cuenta cu e casonan positivo cu tin. E presion ta bira hopi riba nan y p’esey kier purba expande esaki pa busca dos profesional mas.

Isolacion y cuarentena

Pa loke ta controlnan cu ta tuma luga riba esnan den isolacion y cuarentena, ta canando bon. A asigna un team cu ta controla e casnan si nan ta mantene nan mes na e protocolnan.Tabata tin 4600 bishita na cas y gobierno ta satisfecho con e ta bayendo. Mayoria cu ta esnan den isolacion y cuarentena ta cumpliento. Te awor aki 4 boet so a wordo reparti. Ta spera cu nan por mantene nan mes na e protocolnan pa e dianan di isolacion y cuarentena. Esaki ta e unico manera pa reduci e casona positivo te cu 30 cual por maneha na tur circunstancia.