Dialuna atardi Minister di Deporte Dangui Oduber a bishita veld Pirata na Angochi pa duna e club di Independiente Porto Caravel e bon noticia cu pronto e veld lo haya luznan LED. Veld Pirata no tin iluminacion adecuado pa practica e deporte di futbol y pesey esaki ta sumamente necesario.

Pa realisa e iluminacion, veld Pirata lo bay conoce trabounan di infrastructura riba e parti di electricidad prome y despues lo instala e luznan. E trabounan aki ta bay wordo realisa cu fondonan di “maatschappelijke bijdrage”. Independiente Porto Caravel no ta un ekipo desconoci den futbol na Aruba, y den pasado nan tabata den division di honor y na un ocacion a sali na tercer lugar.

Veld Pirata ta e di 4 veld na Aruba bou di proyecto di luz LED pa veldnan cu lo haya iluminacion. Ya caba veld di Kudawecha y Flatstone a ricibi nan Luz LED nobo, veld di SC United tambe ta e otro cu ta den proceso pa haya luz LED nobo.

Deporte ta un instrumento importante pa nos pais. E ta percura pa entre otro un bida mas saludabel, tanto fisico como mental, e ta tene hobennan leu di delincuencia y ta siña nan disciplina. Sin deporte, un nacion no tin bida. Pa e motibonan aki, Minister Dangui Oduber ta haya importante pa deporte na Aruba haya e atencion debido.

Minister Dangui Oduber ta sigui cumpli apesar cu e fondonan pa deporte ta hopi limita, asina mes a haci hopi pa deporte. “Apesar cu deporte ta secuestra pa e cartel di lotto na un manera creativo ta yudando den deporte.”

Minister Dangui Oduber a inicia proyecto di luznan LED pa veld na Angochi

Minister Dangui Oduber a inicia proyecto di luznan LED pa veld na Angochi. Click link pa mas https://24ora.tv/33IyXPx

Posted by 24ora on Tuesday, November 12, 2019


E mandatario a menciona cu a yuda diferente club cu material, airco y iluminacionnan. Intencion ta pa poco poco drecha den tur bario caminda tin necesidad pa cu deporte.
Minister Oduber kier a felicita e dirigentenan y e hungadornan di Independiente Porto Caravel cu pronto lo tin nan lusnan nobo y deseanan tur clase di exito den division di honor.

Comments

comments