Minister Croes: Ta trahando pa evita cu studiante nunca mas keda sin scol

Algun siman pasa tabatin un situacion caminda cu seis studiante di SPO no por a sigui scol debi cu no tabatin espacio pa nan na EPB Hato. Nan a purba tur manera pero ningun hende por a yuda nan. No a keda nan nada otro di bati na porta di 24ora.com p’asina trece e situacion aki den publicidad. Despues di e entrevista a nota cu “cos a cuminsa move.” Despues di dos siman e studiantenan a logra haya scol, pero te na San Nicolas.

Durante un conferencia di prensa di gobierno, a puntra Minister Endy Croes riba e situacion aki y con por priminti cu tipo di situacion asina nunca mas lo sosode. E mandatario tabata masha corto den su contesta. El a sigura cu el a lanta un comision consistiendo di diferente partner den enseñansa pa traha riba e problematica aki y cu mientrastanto a soluciona e problema aki.