Minister Croes: Ta haciendo tur cos pa paga bevordering atrasa na S.V.G.A.

Minister di Asuntonan Social y Labor ta considera e peticion di tur trahado cu ta cay bou Stichting voor Verstandelijk Gehandicapten Aruba (S.V.G.A.) tin rason di ta wardando bevordering pa añanan. Nunca a honra e bevorderingnan aki.

Ministerio di Asuntonan Social y Labor Glenbert Croes a pidi nan Departamento di Recurso Humano,  manager di ministerio, specialista di Departamento di Recursonan Humano (DHR) pa mira kico tur mester haci pa drecha e situacion. Segun Minister Croes, cu drecha e kiermen e situacion di e hendenan cu tin bevordering atrasa pa honra ainda. Tambe pa establece cuanto e ta na placa, pero tambe na schaal.

For di aña pasa despues cu nan a manifesta na gobierno, a reuni cu nan. A priminti nan cu lo bini cu un timeline pa cumpli cu ne. Nan a cumpli cu e trabou y awo a yega e momento pa paga, segun e mandatario. Tin di sinta cu nan y pone pa tur hende weita kico nan tin derecho riba dje. Fin di aña tabata tin discusion riba indexering, pero aña nobo a habri cu e retonan cu Aruba ta den awo.

Minister Croes: Ta haciendo tur cos pa paga bevordering atrasa na S.V.G.A.

Minister Croes: Ta haciendo tur cos pa paga bevordering atrasa na S.V.G.A. Click link pa mas https://24ora.news/32n8glI

Posted by 24ora on Wednesday, July 15, 2020

Despues cu Croes a bira minister, a cuminsa na trece e preocupacion aki padilanti na 2018. Tur cos cu nan ta haciendo ta pa yega te unda tin di yega, ta wardando riba e manager di DHR. Asina aki tur hende lo sinta na mesa cu Minister di Finansa, kende ta haciendo milager cu e situacion cu Aruba ta den dje. Gobierno ta sinti cu nan por plania cu mas o menos 500 mil florin pa paga.

E realidad financiero di Aruba ta catastrofico y mester haci un planificacion con pa honra nan. Ta intencion di e mandatario pa honra nan y p’esey a haci tur ehercicio. E mandatario no kier pa nan warda hopi mas, pa nan cay un biaha mas den un pos di retraso. El a bisa di no kier faya nan y tin cu traha un schedule pa cumpli cu nan.