Minister Chris Romero: Disgusto di autobusnan ta pa asuntonan for di su cartera

Ana Gabriel cu Fun Miles
Arubadag Adzone 1
RBC Mortgage Prequal Campaign 2019
Hyundai Creta

Minister Chris Romero a tende cu e chauffeurnan di bus lo a bay welga dilanti bestuurskantoor, rason pakico el a dicidi pa topa cu nan riba Linear Park pa scucha kico ta molestia nan. 

Ta Huur Apartamento
Colonel’s Catch Special
Arubadag Adzone 4
MotorWorld JAc
Red Fish Lunch Special Feb 2019
Bende Bo Cas
Banner Rav 4
PPG Mildew
Minister Chris Romero: Disgusto di autobusnan ta pa asuntonan for di su cartera

Minister Chris Romero: Disgusto di autobusnan ta pa asuntonan for di su cartera

Posted by 24ora on Friday, February 15, 2019

Ta obvio cu e disgustonan di mas grandi ta pa problemanan cu ta regarda Minister Xiomara Ruiz di Finansa y Minister Otmar Oduber di Infrastructura. Un di e puntonan cardinal ta belasting cu e mandatario lo hiba dilanti pa su colega pa mira kico por haci pa nan. Tin varios punto cu ta valido.

Si compara otronan cu tin e mesun tipo di auto, ta paga menos belasting. Berdad esey no ta cay bao di su encargo, pero e ta representa nan y tin di papia pa nan di e banda ey. Un otro disgusto ta e falta di bushalte, otro asunto cu tampoco ta resorta bou di Minister Romero. E mandatario a sugeri pa autobusnan uni y pa ta riba un liña, pa asina por yuda nan mas miho.

Permiso

Semper un Minister tin e poder pa cambia un permiso. Pero no ta kita un problema y hink’e den un otro. No ta asina ta haci’e. Mester busca un dragvlak mas grandi, pero tambe si esey ta resolve e problema. Tur esey ta bezig ta trahando un mobiliteitsplan nobo. TNO lo bay haci e estudio aki, completamente nobo. Pa hopi tempo caba e poblacion a sigui crece, tin hopi mas autobus ta coriendo. Pero nunca no tabata tin un plan concreto y esey ta tuma tempo. Ta facil pa bisa pa tuma decision. Mester tin un bon plan hinca den otro pa bo por actua riba dje y esey ta loke ta bezig cun’e.

Un total di 68 bus riba ruta Playa-San Nicolas

Riba e ruta di Playa pa San Nicolas, tin 68 auto bus ta coriendo tur dia y sigur esey ta forma un reto, siendo cu den e otro districtonan, no tin asina hopi. Esey ta haci cu e competencia ta intenso cu taxi pirata y nan ta pusha pa nan gana nan cen. Segun Minister Chris Romero, ta estudionan cu tin cu wordo haci y TNO lo bay haci esaki. A pidi TNO pa keda cla mas lihe posibel.

Antes bo ta haya cu e refineria tabata habri y tabatin mas movecion p’ariba y pabao y a haci cu tur cos a bay pariba. Awor aki ta wak hopi hende tin nan propio auto tambe. Si bo wak un isla chikito, tin 70 mil auto ta core riba un isla cu tin 120 mil hende. Si wak e porcentahe, ta hopi hende tin nan propio transporte. Tur esakinan tin cu tuma den consideracion pa wak ki plan tin cu bay haci. Por bisa cu a tuma 8 luna, pero e Minister ta compronde. Pasobra nan tin hopi aña ta warda y esey ta loke e Minister ta wak pakico nan ta agita riba esey. No ta nifica cu Gobierno no ta haciendo di su parti. E Minister a comenta cu nan ta haciendo nan best pa purba complace tur hende lo maximo posibel.

Un siman

E Minister a bisa e chauffeurnan di bus cu e lo duna un contesta dentro di un siman riba cierto cosnan, por ehempel riba belasting. E decision riba finansas, ta loke e lo duna nan. Esey ta e parti cu e por haci. No ta su decision pa tuma. E minister lo haya e contesta pa nan y e mes a bisa nan cu dentro di un siman e lo por duna un contesta riba dje y e lo cumpli cun’e tambe.

Comments

comments

UA Open House 2019
Island Finance – Home improvement