Minister di Telecomunicacion, Transporte y Sector Primario, sr. Chris Romero, ta continua cu su bishitanan na e departamentonan cu ta cay bou di su Ministerionan. E biaha aki Post NV tabata na turno.
Minister Romero a haya un caluroso bon bini for di e personal di Post NV, unda cu e Director, sr. Guillermo Raymond, a saluda e mandatario y a bay over na introduci e personal di e comapnia estatal aki.
Minister a keda satisfecho di mira con e management team nobo ta trahando pa modernisa Post NV. Maske mester remarca cu tin cu hasi algun inversion pa asina mehora e servicio di Post NV, por mira cu e plan di maneho nobo ta dunando bon resultado caba.
Minister a haya un tour completo den Post NV y a siña mas di con e compania estatal aki ta traha pa brinda e mihor servicio posibel na nos comunidad.
