Den e periodo di 25 te 29 di sèptèmber 2017 e organisashon Pan American Health Organization (PAHO) ta organisá e di 29 Pan American Sanitary Conference. E konferensia lo ser konvoká den kuadro di e di 69 seshon di e Komité Regional di e World Health Organization (WHO) pe sekshon America’. E konferensia lo tuma lugá na e ofisina prinsipal di PAHO na Washington D.C.
E ‘Konseho Direktivo’ ta e órgan di gobernashon supremo di PAHO i ta reuní kada 5 aña. E ta konsistí di tur e Ministernan di Salubridat di e paisnan di e hemisferio oksidental ku ta miembro òf ta miembro asosiá di e organisashon aki. Kòrsou lo ta presente komo miembro asosiá den persona di e Minister di Salubridat, Medio Ambiente i Naturalesa, sra. mr. Suzy Camelia-Römer. E minister lo ser kompañá pa un miembro di su gabinete i e Direktor di Maneho di e ministerio. E konferensia ta pa determiná e maneho pa e siguiente 5 aña i a la bes ta sirbí komo foro pa ideanan pa prevenshon di malesa, preservashon, promoshon i restourashon di salú mental i físiko.
PAHO ta duna koperashon tékniko i apoyo ku e fin pa mehorá salubridat públiko i konsekuentemente e kalidat di bida den e paisnan miembro. Durante di e reunion lo trata diferente tópiko i temanan di salubridat.
E paisnan di region Karibe, organisá den Caribbean Community (CARICOM) ta reuní promé ku e konferensia pa fiha puntonan di bista di interes Karibense komun ku nan komo bloke di interes, lo ke mira tratá i butá pa tuma desishon riba dje durante di e konferensia di PAHO. Esaki lo ta 23 i 24 di sèptèmber 2017.
Den e diferente tópikonan e kongreso di PAHO lo atendé ‘Sustainable Health Agenda for the Americas 2018-2030’. Un agenda ku p’e desaroyo lokal ta sumamente importante.
Tambe lo atendé e ‘Policy on Ethnicity and Health; ‘Strategy on Human Resources for Universal Access to Health and Universal Health Coverage’; ‘Strategy and Plan of Action to strengthen Tobacco control in the Region of the Americas 2018-2022’. Otro tópikonan di interes pa nos ta importante ta ‘Impact of Violence on the Health of the population in the Americas: Final Report’; e ‘Regional Strategy and Plan of Action for Cervical Cancer
Prevention and control: Final Report’, e ‘Proposed 10-Year Regional Plan on Oral Health for the Americas: Final Report, i Implementation of the International Health Regulations’.
Tambe lo atendé e Progress Report riba e’ Plan of Action on Health in all Policies’ i e ‘Midterm review di e ‘Plan of Action on Immunization’. Ademas ta trata e midterm review riba e ‘Plan of Action on Menthal Health’. Por último nos lo asistí n’e preparashon pe di ‘17 World Health Assembly’.
Tin hopi mas tópiko ku lo ser trata, pero esnan nombra ta esnan ku sigur lo partisipá den dje; debí n’e importansia p’e desaroyonan lokal.
