Minister Besaril: No por compara Aruba cu Corsou ora atende fiansa

662

Nos ta rumannan den Reino Hulandes, pero mescos cu tur ruman, nos cada un tin un caracter diferente y como tal, mester trata nos cada un di forma diferente, asina Minister Plenipotenciario di Aruba na Hulanda, Guilfred Besaril, a bisa awe na su salida for di e reunion di Conseho di Minister di Reino na Den Haag. E ta referi na e condicionnan cu Gobierno di Hulanda a impone pa por facilita un fiansa cu lo alcansa mas di 500 miyon florin pa fin di e aña aki.

E mandatario, kende ta representa Minister Presidente mr. Evelyn Wever-Croes durante reunionnan di Conseho di Minister di Reino a enfatisa cu constantemente e ta scucha nan bisa cu “E ultimo 10 añanan Boso no a trata Boso autonomia na drechi”, pa cual constantemente mester corigi e politiconan Hulandes cu esey ta Corsou y Sint Maarten. E ta lamenta cu politiconan na Hulanda di forma ripiti ta compara nos mesun cos, siendo cu Aruba tin 34 aña caba cu Status Aparte.

Minister Plenipotenciario Guilfred Besaril: No por compara Aruba cu Corsou ora atende financiamento di e islanan

Minister Plenipotenciario Guilfred Besaril: No por compara Aruba cu Corsou ora atende financiamento di e islanan

Posted by 24ora on Friday, July 10, 2020

Durante e reunion awe cu e comishon chikito, Gobierno di Aruba a haya un oportunidad unico pa splica nos posicion, subraya nos logronan e ultimo añanan den reduci gasto y aumenta entradanan y repasa e caminda corecto cu tabata canando pa mehora finansa publico. Claro cu ningun hende a premira e pandemia y cu lo caba cu nos economia completamente manera cu e ta awo, cu desmpleo cu a surpasa 70%.

Minister Plenipotenciario Guilfred Besaril ta masha contento cu, dor di peticion di dialogo y probechando presencia di Minister Presidente mr. Evelyn Wever-Croes, cu a logra haci combersacion cu Gobierno di Hulanda y pa yega na otro. Hulanda a compronde cu den 4 dia ta casi imposibel pa tuma decision riba cambio asina drastico. Aruba a splica cu ta compronde cu tin condicion, pero e forma y sin dialogo prome, ta haci cu mesora e decision ta bay bou di presion.