Na Hulanda ta yegando e fase final di opvang di e studiantenan di Aruba cu a yega na comienso di luna, esta 1, 2 y 3di augustus. Na momento cu nan a yega y bay den cuarentena pa 14 dia, dia 15, 16, 17 di augustus ta bira dos siman di cuarentena.
Minister Plenipotenciario Guillfred Besaril a splica cu responsabilidad ta bay over na e gemeenten unda nan a inscribi na dje, GGD cu ta cay bou diferente gemeente. RIVM ta na altura cu a yega un grupo for di Aruba na momentonan aki tin 9 pa 10 studiante cu a test positivo. Ainda falta 2 test pa drenta ya cu 32 hoben a bay test.
Un cantidad grandi a test negativo pa Covid aunke no tabata sinti nan curpa bon. Esey ta cos cu por pasa, pasobra ta den un cambio di clima y hopi hende ta kere cu e calor di Aruba ta mescos na Hulanda. Pero e benauwd, vochtigheid di Hulanda ta completamente diferente. P’e opvang di e studiantenan mes, e dinamica loke tabata un opvang mester a cambia pa motibo di Covid y circunstancia.
E ta ratifica na cada mayor cu Arubahuis a haci tur loke por pa tin un opvang y bisa cu e hobennan ta sigura, di tin un cuenta bancario, e hobennan a regla nan asunto cu scol. Manera semper tin hoben ainda no a cla cu e parti di vivienda, pero segun Besaril nan ta traha riba esaki. Ta spera cu den e proximo simannan aki por cla cu nan.
Dialuna proximo, Minister Besaril lo duna un ultimo update riba e grupo di studiante 2020 y Covid 19. E lo bisa cuanto hoben a test positivo, con a sigui cu nan salud. Tambe no ta e cuestion cu nan a yega cu e virus, pero con nan ta sigui di salud, y pa habri e siguiente fase. Aki ta trata con ta bay cu scol, nan vivienda, opvang y asina e mayornan y Aruba por haya update con e studiantenan ta na Hulanda.
