Minister Plenipotenciario Guillfred Besaril a atende – den nomber di minister di Cultura di Aruba sra. Xiomara Ruiz-Maduro – e reunion di UNESCO na Paris.

Den e seccion special pa e ministernan di Cultura, a trata diferente topico, manera cultura y patrimonio cu mester funciona como energia pa dialogo y paz. Despues a pasa pa papia riba cultura como e curazon di educacion y asina bira un dimension fundamental pa desaroyo pa e ser humano y tambe pa innovacion.

Otro tema cu a keda trata ta esun di inversion den cultura pa desaroyonan sostenibel y empleo. E ultimo tema a bai riba cultura den espacio publico, cu mester ta un motor pa transformacionan social y urbano.

Minister Besaril a bisa di ta contento di por a representa Aruba na e reunion di UNESCO aki riba e tema di cultura pa asina por ta na altura di e ultimo desaroyonan y comparti esaki cu su colega minister di Aruba.

Comments

comments