Segun Minister Benny Sevinger, como partido mas grandi cu a gana eleccion, keda informa
comunidad di e desaroyonan. Nos tabata tin eleccion, partido AVP a sali como e partido mas
grandi di e eleccion aki.
Sinembargo, e mesun anochi, un paar di minuut despues cu e resultado tabata conoci, partido POR a sali bisa cu e no ta traha cu AVP, ta cu MEP e ta bay traha. Dos minuut despues lider di partido MEP a bisa e mesun cos, cu e no ta traha cu AVP, ta cu POR e ta bay traha. Asina confirma tambe e rumornan cu tabata tin cu tin comerciantenan cu a cera e deal eynan caba prome cu eleccion. Esey ta importante pa pueblo realisa, cu despues cu haya un resultado, un minuut despues y tur dos ta confirma esaki y algun dia despues, bo por a ripara caba cu reunion di accionistanan a tuma luga. Comerciantenan ta sinta na mesa ta wak con e accionnan ta wordo parti. E ora ey bo ta cuestiona si esaki pueblo tabata conciente di dje, na ora cu el a deposita su voto. Esey ta e realidad cu nos tin cu biba aden. Tin cu sigui p'adilanti. En todo caso, e situacion cu nos pais ta aden na e momentonan aki, ta un situacion 10, 20, 100 biaha mas miho cu a haya na 2009. Y e diferencia grandi ta, y ta mir'e atrobe, esaki ta un Modus Operandi di partido MEP, ta cu pa nan drenta Gobierno, tin cu tuma medida. No tin otro solucion pa e partido aki. E generacion nobo tin mas creatividad pa trece solucion, pasobra reto den Gobierno semper tin, pero si bo unico arma ta trece medida y pa bo haci esaki, bo ta bay bisa cu ta bay bin cu un comision pa bisa con e situacion ta, pint'e malo pa bay tuma medida, Sevinger a splica, cu nan lo dal nan dede duro, pasobra ora cu AVP a drenta den Gobierno na 2009, e situacion ey tabata asina dramatico, asina malo. Un turismo totalmente na suela. SVB, AZV, APFA, den bancarota. Letterlijk den bancarota, segun e mandatario. Tabata tin e problema cu awa y coriente, tabata azota nos comunidad. Refineria cera. Un finansas publico cu no por a paga apenas salario di e trahadonan, e ambtenaarnan. Tur esaki a bin haya na 2009. No a busca
ningun comision pa bisa cu e situacion ta malo. Pesey a bay eleccion. A bay bisa pueblo, cu esnan cu ta goberna, nan no ta core e auto aki bon. Entrega e stuur pa nan bay Goberna. Awo cu nan tin e stuur, nan ta bisa pueblo pa sa unda nan tin cu bay. Esey ta e realidad cu nos ta biba aden awe cun'e. Sevinger a splica cu tempo nan a drenta na 2009, e comision cu nan tabata tin , yama Dialogo Nacional. Den dialogo nacional, a sinta cu tur gremio, cu tur instancia, cu tur expertonan local y a analisa e situacion y confirma loke cu nan tabata sa caba prome cu a drenta den Gobierno. A bisa pueblo pa dune e stuur. Mike Eman a bisa cu ta esey nan lo bay haci y esey nan a haci durante 8 aña, cu nos gremionan. Awe e gremionan aki tin tur cifra, nan tabata sa e situacion cu tabata tin na 2009, tuma decision importante, pa salga APFA, pa salba SVB, AZV, salba nos pensioen. Tur esaki e gremionan tabata sa. Bo ta kere cu awe, ta bay pasanan un fastball y bisa cu ta bin cu un comision pa bay tuma medida, pa bay bisa e ambtenaar cu a vota pabo, cu tin cu para atrobe, vries e indexering, e flie eynan no ta bay subi. Pa 7 aña tur toeslag a wordo duna, aumento di pensioen a wordo duna. A duna tur persona cu tabata vulnerabel den comunidad, un aumento. Awo tin cu bisa cu tin cu par'e y corte y bisa nan den eleccion cu nan ta bay aumente? E flie eynan no ta bay subi. Segun Sevinger, a pidi pa e stuur, bo tin e stuur den bo man, bisa e pueblo den ki direccion bo ta bay. E pueblo aki no ta un pueblo cu ta kens, un pueblo cu no ta pensa, cu no ta wak kico a wordo haci den e ultimo 8 añanan. Mira rond den bo bario, wak e Green Corridor, wak Watty Vos Blvd. Un hospital cu ta den pleno ehecucion, cu ta bay tin no menos cu 17 camber di operacion nobo pa duna servicio di comunidad, Eerste Hulp cu lo bay ta di un calidad mas halto den e region aki. Tin henter un desaroyo pa bay pa bira un pais sostenibel, windmolen, solarpanel. Un baha mento drastico di awa y coriente. Tur esaki ta un situacion diferente na 2009. Bo ta kere cu bo por bin bisa pueblo cu no tabata sa, awor aki ta bay busca un
comision pa bay tuma medida? E flie eynan no ta subi. E parti di stabilidad cu a papia riba
dje, ta asina importante cu bo ta haya y sarcasticamente bisa, e ex-lider di MEP ta bisando
lider nobo, pa tene cuidao cu tempo e tabata tin 11 mes, corda awo cu bo tin 11 cu dos no ta
dibo. No ta 11-0=0. Si bo tabata tin un persona den un partido cu tabata tin 13 asiento, cu
durante 8 aña a wordo tolera pa haci su malcrianan, haci su mal muchanan y awor cu e tin e
yabi, aunke por ta yabi di santana, ta esun cu ta bay dicidi, kico ta pasa den gobierno. E
stabilidad cu pueblo ta pidi, absolutamente no tey. Un persona asina ey, cu tabata tin 13
asiento, un solo partido tabata zaag na pia di su coleganan y a toler'e. Sevinger ta esun mas
cu a toler'e. Habri rotonde, linear park, vliegende keeper. Sevinger tabata tolere pasobra e ta
kere den un solo Gobierno, no importa cua minister ta purba di haya credito, pero ta un
gobierno cu ta traha na beneficio di comunidad. Awo, abo ta den un Gobierno, of bo ta bay ta
den un Gobierno unda bo lo tin dos di e asientonan pa bo por forma e Gobierno, segun
Sevinger, na e partido MEP, cu nan por ta garantisa cu esaki ta bay ta un Gobierno instabil cu
hopi problema, den ministerraad, hopi problema den parlamento y hopi problema tambe ariba
caya.
