Nos ta confronta cu e situacion preocupante cu e indice di personanan cu ta falta respet di nos leynan penal, di parti di Venezuela ta hopi halto.
Mester adresa e parti aki di control y hopi biaha personanan no ta compronde. Den pasado ora cu tabata mantene un regimen hopi streng pa loke ta trata admision, na 2018 y 2019, a expulsa miles di persona, caminda cu na 2017 tabata banda di 800.
Hopi hende no ta compronde dicon ta asina stringente cu admision di personanan. Na 2018 un total di 18 persona di e 34-nan deteni tabata Venezolano.Ta pa e motibo aki mes a finalisa un landsbesluit y den dje tin algun cos interesante, segun minister di husticia Andin Bikker. Gobierno ta bay institui e sistema electronico di ESTA, e sistema Mericano, cu un dimension nobo, a wordo añadi na e ley di admision y expulsion. A agrega e APS (Advance Passenger Information System y Passenger Name Record).
A pone den e concepto di ley, cu door di e situacion den region por dicidi cu ta bay solamente trata y otorga un cantidad limita di ESTA pa por drenta Aruba. Asina e mandatario a referi na e caso di atraco na e oyeria na Ritz Carlton, unda cu esun deteni ta un Venezolano cu tabata completamente ilegal. Tambe e mandatario a anuncia cu ta bay reinstitui Visibility Team, cu a wordo poni un banda door di Gobierno anterior. Lo bay reuni cu e joyerianan pa mira con por tuma mas medida di siguridad pa protegi e negoshinan aki.
